«Ալցհայմերի խնամք Հայաստանը» դրամաշնորհ է ստացել Հայաստանում հիվանդության վաղ հայտնաբերման նորարարական ծրագրի համար
«Ալցհայմերի խնամք Հայաստանը» առողջապահական համակարգի պատրաստվածության ապահովման համար Դավոսի Ալցհայմերի համագործակցության առաջին համաշխարհային համատեղ դրամաշնորհային ծրագրի 12 շահառուներից մեկն է
Առողջ ուղեղի հայկական ծրագիրը ամբողջ Հայաստանով հիշողության գնահատման շարժական և Ալցհայմերի հիվանդության թրեյնինգային միջդիսցիպլինար նախագիծ է։ Ծրագիրը համագործակցում է Հայկական ակնաբուժության նախագծի հետ՝ իրականացնելու ճանաչողական զննում ամբողջ Հայաստանում և հաստատված է Հայաստանի Հանրապետության առողջապահության նախարարության կողմից:
Թիմը, սերտորեն համագործակցելով Հայկական ակնաբուժության նախագծի հետ, ինչպես նաև Հայաստանի պոլիկլինիկաներում և հիվանդանոցներում սկրինինգներ է անցկացնելով, 2022 թվականի հունիսից ի վեր ստուգել է ավելի քան 2000 մարդու և վերապատրաստել է առաջնային օղակի ավելի, քան 350 բժիշկների և բուժքույրերի։
Առողջ ուղեղի հայկական ծրագրի թիմը ներառում է առաջնային խնամքի բժիշկներ, բուժքույրեր, հոգեբաններ և սոցիալական աշխատողներ, ովքեր դիդակտիկ և գործնական ուսուցում կանցկացնեն առաջնային օղակի բժիշկներին, բուժքույրերին և ընտանեկան խնամակալներին՝ բարելավելու դեմենցիա ունեցող անձի խնամքը Հայաստանում: Բացի թիմը ղեկավարող դոկտոր Մահաքյանից՝ կլինիկական խորհրդատուներ են նաև Հայաստանի Առողջապահության ազգային ինստիտուտի նյարդաբանության ամբիոնի նախագահ դոկտոր Սամսոն Խաչատրյանը և ծերական հոգեբույժ դոկտոր Գևորգ Փաշիկյանը: Այս նախագիծը կայուն ազդեցություն է թողնում բուժաշխատողների վերապատրաստման և կրթման միջոցով, ինչպես նաև բարձրացնում է ճանաչելիությունն ու իրազեկությունը Ալցհայմերի հիվանդության մասին:
«Մենք ոգևորված ենք, որ հնարավորություն ունենք զարգացնելու այս բեկումնային և կայուն նախագիծը, որը կբարելավի դեմենցիա ունեցող մարդկանց խնամքը՝ նպատակ ունենալով ներառել ճանաչողական զննումը՝ որպես բժշկական օգնության չափանիշ ամբողջ Հայաստանում», — ասել է «Ալցհայմերի խնամք Հայաստանի» հիմնադիր, ծերաբույժ դոկտոր Ջեյն Մահաքյանը: Ալցհայմերի հիվանդությունը Հայաստանում աճում է, և «Ալցհայմերի խնամք Հայաստանը» ճանապարհ է հարթում համակարգային փոփոխություններ իրականացնելու համար, ինչը կբարելավի դեմենցիա ունեցող անձանց խնամքը և նրանց ընտանիքների աջակցությունը։
Դոկտոր Ջեյն Լ. Մահակյան
Դոկտոր Ջեյն` ACA ՀԿ նախագահ, գերոնտոլոգ, ով 30 տարի աշխատել է «հիշողության կորստի ոլորտում»:
«Երկրորդ շնչառություն»
Հայտարարություններ
Alzheimer’s Disease International-ը Ալցհայմերի և դեմենցիայի ասոցիացիաների միջազգային ֆեդերացիա է։
Վանաձորի «Օրրան»-ում ՝ Հիշողության ակումբ
Մեր գործընկերների ֆոտոշարքը՝ «Mission Armenia»
Մեր գործընկերների ֆոտոշարքը՝ Alfa Betta Plus
