Ժենյա Գևորգյանը 70 տարեկան է, երկար տարիներ հացի արտադրությունում է աշխատել, հաց թխելու ամբողջ գործընթացը մինչև այսօր էլ փակ աչքերով կարող է իրականացնել, ուղղակի տարիքի հետ բազուկների ուժն է պակասել։ Նա Ռոբինի լավագույն ընկերներից է։ «Ռոբինը մեզ շատ է ուրախացնում. ինքը երգում է, մեզ էլ երգացնում ու պարացնում»,- պատմում է նա։ Տիկին Ժենյան ամենաշատը կարևորում է այն, որ Ռոբինը միշտ բարձր տրամադրություն ունի, և կարողանում է իր դրական լիցքերն իրենց փոխանցել։
Նրա խոսքով՝ Ռոբինն իրեն ուղղված հարցերին միշտ պատասխանում է գրագետ հայերենով, ինչը շատ գեղեցիկ է հնչում։
